डिप्रेशन मधून बाहेर पडण्याच्या औषधी

डिप्रेशन मधून बाहेर पडण्याच्या औषधी

माणूस काय करतो ,
कुढतो जास्त
अन रडतो कमी
म्हणून त्याचं हृदय
धडधडत असतं नेहमी

बोलणं कमी झाल्यामुळे
प्रश्न निर्माण झालेत
सारं काही असून
एकलकोंडे झालेत

भावनांचा कोंडमारा
होऊ देऊ नका
हासण आणि रडणं
दाबून ठेऊ नका

आपल्या माणसां जवळ
व्यक्त झालं पाहिजे
खरं खरं दुःख सांगून
मोकळं रडलं पाहिजे

हसण्याने , रडण्याने
दबाव होतो कमी
भावनांचा निचरा
ही Fresh होण्याची हमी

कुणाशी तरी बोला म्हणजे
हलकं हलकं वाटेल
दुःख जरी असलं तरी
मस्त जगावं वाटेल